Почна расправата за Буџетот: За владата најекономски, за опозицијата нереформски

Во собраниската Комисија за финансирање и буџет од денеска почна расправата по Предлог-буџетот за 2017 година. Предлогот пред членовите го образложи министерот за финансии Драган Тевдовски кој најави  трошење на народните пари на вистински мерки кои ќе придонесат за подобрување на економијата и животот на граѓаните, а не, како што рече, на расипништво и непотребни проекти.

– Во Предлог-буџетот за 2018 година се предвидени повеќе средства за клучните столбови на општеството: повисоки плати во Армијата, здравството, образованието и детската грижа. Има повеќе средства за приближување до НАТО стандардите, за поддршка на домашните претпријатија и за мерки за вработување, како и за капитални инвестиции. А има и за враќање на претходно земени долгови и на затекнати неплатени обврски, истакна Тевдовски.

Тој додаде дека Предлог-буџетот на Република Македонија за 2018 година е најдобра рефлексија на ангажманот на новата Влада за постигнување на клучните цели и приоритети на општеството како повисоки стапки на раст на економијата, зголемување на продуктивното вработување, подигнување на животниот стандард на населението, постигнување на повисоко ниво на социјална правда и интензивирање на интеграциските процеси за ЕУ и НАТО.

Според мнозинството предложеникот буџет е граѓански, креиран на реални проекции и со него почнува со финансиска и економска стабилизација, за опозицијата е дека не е реален и реформски.

– Со буџетот за 2018 се почнува со финансиска и економска стабилизација на Република Македонија. Повеќе пари се наочуваат кај граѓаните и стопанството, да се унапреди македонсакта еконоија, животот и здравјето на граѓаните, рече Васко Ковачевски од СДСМ.

Додаде дека се инвестира во општеството, обрзованието, здравството, дека  им се помага на сите граѓани, а држвата се доближува до ЕУ и НАТО.

Тој сумираше дека овој предлог буџет значи стабилност, раст и правичност, а целта е подобар и поквалитетен живот на сите.

Според него, ова е прв буџет од оваа Влада на премиерот Зоран Заев и како таков јасно ги отсликува и вредностите и начинот на работа на оваа Влада, а тоа е транспоареност и чесно во интерес на сите граѓани на РМ.

За Лилјана Кузмановска од ВМРО-ДПМНЕ многу самоуверено и сомногу леснотија и без никаква детална анализа се оди со идејата дека ова е најразвоен и најреформски буџет.

Праша во кои компоненти е најразвоен и зошто е проектиран најголем буџет досега кога сите потпреседатели и економски експерти на СДСМ во изминатиот период говореше дека РМ нема капацитет, односно нема можност да реализира буџет поголем од три милијарди евра.

Според неа, не може да се оствари оваа бројка доколку не новата Влада не планира некое друго даночно зголемување кое ќе биде на терет на граѓаните.

Наведе дека нема зголемување на пензии, плати, нема изградба на нови магистрални делници на гасоводот, дека се издвојуваат помалку пари за животна средина иако се воведе акцизата на нафтата.

Пред членовите на Комисијата за финансирање и буџет својот буџет го образложи и народниот павобранител Иџет Мемети кој верува дека со него првпат ќе успее инситуцијата Народен правобранител полесно и поефективно да помага на граѓаните во однос на промоција и заштита на нивните права.

– Со овој буџет ќе почнеме да помагаме на граѓаните и на судовите на поефикасен начин да доаѓаат до реалните состојби, односно до фактичките состојби, истакна Мемети.

Расправата во Комисијата за финансирање и буџет која почна денеска ќе трае 10 дена. По предложениот текст има поднесено вкупно 279 амандмани