Од Охридското Езеро извадена артилериска граната од Првата светска војна

Нуркачи и пиротехничари од Тимот за заштита и спасување под вода на Дирекцијата за заштита и спасување утрово од водите на Охридското Езеро извадија неексплодирана артилериска граната 75мм од Првата светска војна.

Со преземени неопходни безбедносни мерки тимот составен од нуркачот и пиротехнолог Милутин Секулоски и пиротехничарот Драгољуб Попоски ја извадија неексплодираната граната од дното на езерото и истата ќе биде транспортирана во магаци за привремено складирање се до нејзино уништување на посебна локација предвидена за таа намена.

Инаку, Секуловски е тим лидер на Екипата за заштита и спасување под вода, обучуван и ангажиран за слични активности што во неколку наврати беа спроведени на Охридското Езеро за чистење од неексплодирани убојни средства од минатото.

Пиротехничарот Драгољуб Попоски од Подрачното оддление за заштита и спасување Кичево е лицето одговорно за безбеден транспорт, соодветно скадирање и уништување на сите потенцијално опасни материјали собрани во активности слични на денешната.