Мјузикл за Мајкл Џексон на Бродвеј

САД – Компанијата која се грижи животното дело и имот на починатиот крал на попот Мајкл Џексон и „Колумбија лајв стејџ“ објави дека работат на нов сценски мјузикл инспириран од животот на саканата поп-ѕвезда. Сѐ уште неименуваното шоу се очекува да пристигне на Бродвеј во 2020 година.

Сценаристот Лин Нотаџ ќе ја напише книгата, а Кристофер Вилдон ќе го режира и кореографира шоуто. Резултатот ќе содржи хитови од огромниот избор на песни од Џексон. Нотаџ има двапати освоено Пулицерова награда за драма, прво во 2009 година за „Уништена“ – драма за жени за време на војната во разурнатиот Конго, а од неодамна, односно во 2017 година за „Пот“, што е за жителите во Рединг, Пенсилванија, еден од најсиромашните градови во Америка.

Вилдон е реномиран кореограф и режисер, најпознат за адаптација на филмот „Американец во Париз“ од 1951 година, во бродвејски мјузикл. Претставата освои неколку „Тони“ награди, со што Вилдон го освои трофејот за најдобра кореографија.

Мјузиклот на Бродвеј означува нов тип сценски заложби за компанијата на Мајкл Џексон, која претходно продуцираше две „Сирк де солеј“ шоуа: „Мајкл Џексон: Бесмртната светска турнеја“ и „Мајкл Џексон: Еден“. Другите проекти што ги има произведено компанијата што се грижи за животното дело на Џексон во последниве години вклучуваат компилација именувана „Крик“ од 2017 година, 3-Д рендерирање на познатото „Трилер“ видео и два постхумни албуми, „Мајкл“ и „Ескејп“.