Косово ја одбележува годишнината од создавањето на Израел, се надева на признавање

Во Косово денеска е свечено одбележана 70-тата годишнина од создавањето на израелската држава.

Високи претставници на косовската држава, вклучително претседателот на Собранието Кадри Весели, учествуваа на манифестацијата во Приштина за одбележување на годишнината на Израелската држава, организирана од еврејската организација „Бет Израел Косова“.

Покрај парламентарниот спикер Весели, на манифестацијата учествуваше и министерката за животна средина и просторно планирање Албена Решитај, која во своето обраќање изрази надеж дека Израел ќе го признае Косово како независна држава.