Истражување: Луѓето над 40-годишна возраст треба да работат три дена неделно

Луѓето постари од 40 години се најпродуктивни кога работат три дена во неделата, се наведува во ново истражување објавено во „Мелбурн институт воркинг пејпер“.

Трудот опфатил 3.000 мажи и 3.500 жени на кои им биле поставени прашања за нивните работни навики, како и когнитивни задачи. До 25 работни часа тие биле многу успешни во решавање на задачите, а потоа сето тоа одело послабо и побавно.

– Работата е меч со две сечила. Од една страна, го стимулира мозокот, а од друга, долгото работно време може да предизвика стрес, како и да ја ослабне работата на мозокот – смета Колин Мекензи, еден од авторите на истражувањето.

Интересно е и тоа што луѓето што се веќе во пензија постигнуваат подобри резултати во умствените тестови во споредба со луѓе што работат 55 часа неделно. Стандардното работно време е 40 часа.