Ибрахимовиќ му кажа „да“ на Милан

Златан Ибрахимовиќ му рече „да“ на Милан! Со оваа вест излезе италијанското издание „Спорт Медијасет“, кое се смета за блиско до „росонерите“, откако медиумот информира дека договорот ќе биде за период од шест месеци и тој ќе игра позајмен на „Сан Сиро“ од американскиот Лос Анџелес Галакси.

Неговата цена моментално изнесува 2,2 милиони евра, кои треба да влезат во касата на Американците, а по крајот на идниот престој на стрелецот во миланскиот клуб ќе има нови преговори за продолжување на неговиот договор зависно од презентацијата на Швеѓанецот.

Во случај Ибра да покаже дека може да му помогне на гигантот од Милано, тогаш веројатно клубот ќе сака да го задржи за постојано, но ќе треба да се разбере со Американците за неговата цена и со самиот фудбалер за личните услови.