Захариева: Добрите односи со Ердоган се важни за бугарскиот национален интерес

Министерката за надворешни работи и заменик-премиер на Бугарија Екатерина Захариева за БНТ изјави дека добрите односи со турскиот претседател Реџеп Ердоган се важни за бугарскиот национален интерес.

Таа посочи дека Турција е важен трговски партнер на Бугарија и тоа влијае на економијата.

Според неа, по склучувањето на договорот меѓу Европската унија и Турција за бегалците, притисокот врз бугарската граница се намалил за повеќе од 89 отсто

Захариева, исто така, рече дека Бугарија треба да ги подобри своите односи со земјите од Блискиот Исток. Според неа, во последните години тие односи се влошиле.