Ексадвокатот на Трамп соработува со истрагата за евентуално мешање на Русија во американските избори

САД– Поранешниот адвокат на Доналд Трамп, Мајкл Коен, во неколку наврати бил испрашуван од тимот на специјалниот обвинител Роберт Малер околу претпоставеното руско мешање во претседателските избори во САД, јави Еј-Би-Си њуз.

Коен почнал да соработува со истрагата на Малер околу тоа дали имало тајни договори меѓу штабот на Трамп и Русија за време на предизборната кампања во 2016 година, откако во август се изјасни за виновен за финансиски и банкарски измами.

Коен, под заклетва призна дека го купил молчењето на две жени, порно актерката Сторми Даниелс и поранешниот модел на Плејбој Карен Макдугал за да не соопштуваат за своите врски со Трамп, со цел да не му наштетат при неговиот избор за претседател на САД.

Коен на Твитер напиша дека на специјалниот обвинител му доставил важна информација, но набрзо по објавата, твитот беше избришан. Потоа беше повторно објавен од страна на неговиот адвокат Лани Дејвис