Димитров: Извештајот на ЕК да го преточиме во јуни во политичка одлука

Успеавем да добиеме најуспешен досега извештај од Европската комисија и ќе сториме се што можеме во јуни да го преточиме во политичка одлука, порача шефот на македонската дипломатија Никола Димитров на свеченото одбележување на Денот на Министерството за надворешни работи.

Министерот нагласи дека Македонија сега е модерна, стабилна и европска демократија која секогаш го бира патот на мирот и дијалогот.

Предизвиците остануваат, рече Димитров, и потсети дека на 27 април беше одбележана една година од нападите во Собранието кога, како што рече, демократијата на земјата била ставена до бездна.

Потсети дека на 29 април 1969 година било формирано Биро за односи со странство кое со текот на годините стана денешното Министерство за надворешни работи.

Денот на МНР беше одбелжан во присуство на претставници на дипломатскиот кор, врботени во Министерството и претставници на медиумите.