Данска пред полуфинале: Прв пораз на актуелниот шампион

Ракометарите на Данска ја забележаа и втората победа во новоформираната група 2 на Европскиот шампионат што се одржува во Хрватска.

Актуелните олимписки шампиони Данците вечерва во вараждинската „Арена“ го победија европскиот првак

Германија со 26-25 полувреме 9:8.

Ханс Линдберг со 9 постигнати гола и Микел Хансен, кој средбата ја заврши со 5 постигнати гола, беа предводници на Данците во оваа победа.

Со оваа победа Данска изби на првото место на табелата со 6 бода, пред Германија, која има 4, но двете селекции веќе одиграа по две средби од оваа фаза на шампионатот.

А, вечерва, во оваа група, својот прв меч ќе го одиграат и селекциите на Македонија и Шпанија.

Двете репрезентации започнуваа во оваа фаза со по два бода колку што има и Чешка со средба повеќе, односно Словенија која е последна без бод.

Дуелот Македонија – Шпанија започнува од 20 часот и 30 минути.