„Вог“ ја прогласи Ема Вотсон за најубаво облечена на Вимблдон

Англија– Списанието „Вог“ ја прогласи актерката Ема Вотсон за најдобро облечена славна личност на Вимблдон. На престижниот тениски турнир таа блескаше на трибините во бело, од глава до петици, а триделниот костум и белата шапка навистина беа без мана.

Вчера таа се појави во долг бежов фустан на закопчување, но најверојатно ќе останеше незабележана доколку не ставеше ремен во боја на кожа. Трикот, сепак, не е во самиот појас, туку во начинот на кој го врза.

Финалето во Вимблдон, во кое играа Новак Ѓоковиќ и Кевин Андерсон, го следеа војвотката и војводата од Кембриџ и други славни личности. Победи Ѓоковиќ, по четврти пат на овој престижен турнир.