Властите на Лезбос прогласија штрајк поради големиот број мигранти

Локалните власти на грчкиот остров Лезбос прогласија штрајк и ги повикаа граѓаните в понеделник да им се придружат во масовни протести против Владата на Алексис Ципрас и неговата политика кон мигрантите.

Околу 15.000 бегалци и мигранти се сместени во кампови на островите Лезбос, Хиос, Самос, Лерос и Кос, откако грчката Влада ја прекина политиката да ги спроведува до атинското пристаниште Пиреа со затворањето на балканската рута на почетокот на 2016 година. Само на Лезбос се сместени околу 8.000 лица, во камп првично изграден за 1.500 лица.