Моќниот продуцент Вајнстин ѝ се предаде на полицијата во Њујорк

САД– Поранешниот холивудски филмски продуцент Харви Вајнстин и се предаде на полицијата во Њујорк поради обвинувањата за сексуално вознемирување, објави Њујорк Тајмс. Изминативе месеци, Вајнстин се лечеше во приватна болница во Аризона. Според адвокатот на Вајнстин, Бенјамин Брафман, тој ги негира обвинувањата.

Повеќе од 70 жени го обвинија ко-основачот на студиото “Мирамакс” и компанијата “Вајнстин” за сексуално вознемирување и силување.

Случајот “Вајнстин” беше повод за покренување на двжењето #MeToo, па стотина жени јавно обвинија моќни бизнисмени, функционери и луѓе од шоу бизнисот за злоставување.

Се очекува продуцентот да биде обвинет по неколку точки за силување.