Васко Ефтов нов директор на Алфа

Новинарот Васко Ефтов од денеска е нов директор на националната телевизија Алфа на местото на Љубомир Николовски, открива денешната објава на Централниот регистар, а пренесува prizma.mk. Ефтов веќе подолго време ја емитува својата емисија „Во центар“ на овој медиум.

Извесен Петер Шац од Будимпешта минатото лето стана еден од сопствениците на македонската телевизија со национална концесија, Алфа ТВ.

Покрај Унгарецот, во 2017 во сопствеништвото на телевизијата влезе и релативно непознатиот Горан Балаќ од Земун, Србија. Двајцата заедно го имаат најголемиот удел во телевизијата, во која како дел од сопственичката структура се јавуваат уште неколку фирми. Алфа ТВ почна да емитува програма во 2008 година. Мнозински сопственик во тоа време беше бизнисменот Штерјо Наков преку компанијата „Фершпед“, меѓутоа во септември 2013 година српскиот бизнисмен Веселин Јевросимовиќ преку својата македонска компанија „ЦХС Инвест груп“ откупи 56 проценти од акциите на телевизијата.