Брус Вилис го продаде станот во Њујорк за речиси 18 милиони долари

Американскиот актер Брус Вилис и неговата сопруга Ема го продадоа својот луксузен стан во Њујорк со поглед на Централ парк за 17,75 милиони долари.

Како што пишува „Дејли мејл“, тие ја добиле бараната цена за станот кој го купиле во 2015 година. Сега го продале за 755.000 долари повеќе.

Луксузниот дуплекс има шест соби и четири бањи, како и приватна библиотека.

Претходно тоа биле два стана кои некој од претходните сопственици ги споил во еден.

Брус Вилис и Ема ќе се преселат во поскромен стан од 7,9 милиони долари.