Zaev: Jemi të bashkuar për të ardhmen e Maqedonisë në NATO dhe BE

Kryeministri Zoran Zaev në tubimin para selisë së Delegacionit të BE-së, në organizim të Koalicionit Së bashku për Maqedoni evropiane theksoi se të dielën më 30 shtator secila votë është e rëndësishme. Sipas tij vetëm me angazhim qytetar, individual dhe me ide të përbashkëta për ardhmërinë e Maqedonisë në BE dhe NATO mund të kemi sukses.

“Ëndërrojmë të gjithë që 27 vjet dhe sot përfundimisht jemi të gatshëm ta realizojmë ëndrrën tonë, të sigurojmë ardhmëri evropiane për fëmijët tanë dhe brezat pas nesh. NATO-ja dhe BE-ja na kanë bashkuar të gjithëve, sepse këtë aspiratë përfundimisht kemi shans ta kapim dhe të jemi krenarë se kemi arritur sukses”, theksoi kryeministri Zoran Zaev.

Sipas tij mijëra qytetarë kanë dalë të dërgojnë porosi serioze,  porosi se duam ardhmëri, se duam Maqedoni evropiane!

“Kjo është përgjegjësi e gjeneratës sonë. Prej nesh varet ardhmëria e Maqedonisë sonë, të fëmijëve tanë. Askush tjetër për ne nuk mund ta marrë këtë vendim. Unë e di se populli ynë multietnik është  seriozisht i gatshëm para një vendi i të madh dhe do të qëndrojë në seriozitetin  e vendimit. Do të sigurojmë ardhmëri për fëmijët tanë. Do të sigurojmë ardhmëri për Maqedoninë”, tha Zaev.

Ai theksoi se patriotizëm është që ta ruajmë ardhmërinë e atdheut tonë, NATO-ja dhe BE-ja janë rruga e vetme dhe nuk ka alternativë tjetër.

Kryetari i Kuvendit Talat Xhaferi, u bëri thirrje të gjithëve më 30 shtator t’u dhurojmë gjeneratave pas nesh atdhe dinjitoz, atdhe i cili nuk ka problem as me historinë, as me gjeografinë, atdhe i cili është i përbashkët dhe i barabartë për të gjithë.

“Zgjidhja ime që moti është, votoj PËR Maqedoni evropiane për shtet në të cilin do të mundemi të jetojmë në mënyrë evropiane, e jo të synojmë të shkojmë në Evropë”, tha Xhaferi.

Nëse në këtë shtet të përbashkët, vazhdoi ai, që nga pavarësia, në periudha të ndryshme ka pasur çështje që na kanë ndarë apo megjithatë kemi pasur qëndrime të ndryshme, anëtarësimi  në NATO dhe BE,  jo vetëm kohezion ndërtetnik,  por edhe ndërpartiak, ndërshoqëror dhe ndërfetar për perspektivë të përbashkët.

Thellësisht  jam i bindur, theksoi Xhaferi, se ne do të jemi edhe më të lumtur pas 30 shtatorit, ndërsa ora e historisë do të trokasë edhe në vetëdijen e atyre pa ndonjë shkas racional dyshojnë t’u thonë PO proceseve eurointegruese të vendit.

Gazetari Tomisllav Kezharovski, tha se është koha të kthehemi drejt ardhmërisë, se Maqedonia duhet të shkojë përpara.

Profesori i marrëdhënieve ndërkombëtare, në Universitetin Xhorxhtaun, Çarls Kupçan vlerëson se referendumi është një moment historik për Maqedoninë.

“Rezultat i suksesshëm do të thotë rrugë e hapur për anëtarësim të Maqedonisë në NATO dhe përshpejtim i integrimit euroatlantik të vendit. Rezultati i suksesshëm paraqet ecje para jo vetëm për Maqedoninë, por edhe për rajonin e gjerë. Maqedoninë e pret edhe shumë punë në vend si avancimi i institucioneve demokratike, përmirësim i ekonomisë, çrrënjosje e korrupsionit dhe konsolidim i zakoneve të udhëheq me pluralizimin”, thotë Kupçan.

Kupçan është i bindur se i tërë rajoni do të integrohet në NATO dhe BE.