Zaev: Do të jemi krenarë me anëtarësimin tonë në NATO dhe BE

Kryeministri i Maqedonisë Zoran Zaev, me ftesë të Bordit Drejtues të Lidhjes së luftëtarëve të Luftës anti-fashiste në Maqedoni, ka marrë pjesë në debatin që organizohet rregullisht për tema aktuale shoqëroro-politike.

Zaev në fjalimin e tij foli për procesin e ndryshimeve kushtetuese në Kuvend si dhe lajmet që jepen për ndryshimin ose fshirjen e KAÇKM-së nga Kushtetuta, njofton Telegrafi Maqedoni.

“E vërteta është se KAÇKM jo që nuk fshihet nga preambula, por do të përmendet dy herë. Me amendamentin për KAÇKM-në qartësohet se në vend të manifestit, do të thirremi në vendime juridike që janë përfshirë në shpalljen e KAÇKM-së”, tha Zaev.

Ai më tej tha se Marrëveshja me Greqinë i jep Maqedonisë mundësi historike për ta zgjidhur krizën shumëvjeçare.

“Marrëveshja me Greqinë është për të ardhmen e Maqedonisë dhe për mundësi të mirë për anëtarësim në BE dhe NATO”, tha Zaev.

Zaev para të pranishmëve tha se flamuri i Maqedonisë do të qëndrojë krenarë në NATO, së bashku me himnin, identitetin dhe gjuhën maqedonase./Gazeta e Pavarur