Vazhdon gjykimi për 27 prillin


Në Gjykatën Penale në Shkup vazhdon gjykimi për ngjarjet e 27 prillit. Në seancën e sotme duhet të paraqiten dëshmitë e mbrojtjes së Mitko Çavkovit, Dushko Llazarovi dhe Krsto Mukoskit.

Dëshmi shtesë propozoi mbrojtja e të akuzuarve Krsto Mukoski, Mitko Çavkov, Dushko Llazarov, Munir Pepiq, Igor Jug dhe Aleksandar Vasilevski “Ninxha”, por gjyqtarja Dobrilla Kacarska në seancën e kaluar tha se ka marrë njoftim nga DSK se dëshmitë e Pepiq nuk janë deklasifikuar, ndërsa dëshmitë e propozuara nga “Ninxha” nuk janë kryer në mënyrë të ligjshme dhe gjykata nuk mund t’i pranojë si të tilla.

Mbrojtja e Mukoski ka propozuar të paraqiten vërejtje skenografike nga disa vazhdime të seancës konstitutitve të Kuvendit të Maqedonisë nga prilli i vitit të kaluar.

Procesin gjyqësor e udhëheq Dobrilla Kacarska, ndërsa aktakuzat i përfaqëson Villma Ruskovska dhe Ivana Trajçevska.

Ndryshe, për ngjarjet në Kuvend të akuzuar janë 33 persona prej të cilëve 31 për veprën penale “rrezikim terrorist të rendit kushtetues” dhe dy të tjerë për veprën penale “nxitje”.