Troshani: Gruevski mund të udhëtoj i lirë nëpër vendet e BE-së

Ministri i Drejtësisë i Hungarisë Laslo Troshani, në një deklaratë për televizionin hungarez “Eho” ka deklaruar se Gruevski nuk mund të ekstradohet në Maqedoni pasi që ka marrë azil në Hungari. Troshani ka theksuar se Gruevski është viktimë i përndjekjes politike dhe se për një ish kryeministër “nuk do të jetë e lehtë në rast se futet në burg”.

Sipas ministrit Troshani, Gruevski mund të kërkoj të pajiset me mjete udhëtimi dhe të udhëtoj i lirë nëpër vendet e BE-së, sikurse çdo banor tjetër./Alsat M