Trajçevski: Mediat të mos marrin anë gjatë informimit për referendumin

Drejtori i Agjencisë për shërbime mediatike audio dhe audio vizuale, Zoran Trajçevski në konferencën e sotme për shtyp u bën thirrje mediave që gjatë kohës së referendumit të informojnë në mënyrë profesionale, të mos merret anë gjatë informimit dhe të mos bëhet propagandë se shembet Kushtetuta e Republikës së Maqedonisë, përcjell Telegrafi Maqedoni.

Trajçevski deklaroi se Agjencia ka zhvilluare udhëzime gjegjësisht propozim rekomandues për informimin e mediave për referendumin të cilat do të jenë final pas 17 gushtit që kur në mënyrë të detajuar do të rishikohet propozimi në të cilën do të jenë të kyçur edhe mediat.

“Presim raportim të paanshëm dhe modest. Mediat nuk duhet ta imponojnë mendimet e tyre gjatë dhënies së informatave. Trasmetuesit duhet të mbulojnë referendumin në pajtueshmëri me parimet dhe principet e përcaktuar me Ligjin për Shërbim mediatike audio dhe audio vizuale, si dhe ligjin për referendum”, tha Trajçevski.

Ai gjithashtu tha se nëse mediat publikojnë sondazhe të mendimit publik, gjegjësisht anketa, duhet të shkruhet qartë nga klienti. Sondazhet mund të publikohen më së voni deri në 5 ditë para mbajtjes së referendumit.