Takohen Sela dhe Kasami, në horizont bashkimi i opozitës shqiptare?

Mediat shqiptare në vend raportojnë se më në fund është realizuar takim mes liderëve të opozitës shqiptare. Pas vendimit të liderit të Lëvizjes Besa krahu i Tetovës, Bilall Kasami që partia e tij të mbetet në opozitë, në opinion shumë është diskutuar për bashkimin e forcave me Aleancën për Shqiptarët dhe përforcimin e opozitës shqiptare kundrejt politikave qeveritare.

Gjatë ditës së sotme është realizuar një takim mes kryetarit të Lëvizjes Besa, Bilall Kasami dhe atij të Aleancës për Shqiptarët, Ziadin Sela.
Sipas burimeve të “Topal News” në këtë takim u diskutua rreth angazhimit opozitar të dyja partive dhe bashkëveprimit kundrejt politikave dështuese të qeverisë aktuale. Poashtu mësohet se një nga mundësitë për bashkëpunim është edhe emërimi i anëtarit të KSHZ nga rradhët e opozitës i cili sipas gjitha gjasave do jetë një kandidat i përbashkët për të dyja subjektet politike.
Sipas po të njejtave burime partiake pritet një intensifikim edhe më i madh i takimeve mes Lëvizjes Besa dhe Aleancës për Shqiptarët si subjekte opozitare.