Гореше стан во Карпош 4, пожарот предизвикан од плински уред
Пожар предизвикан од плински уред попладнево избувнал во стан на улицата „Разловечко востание“ во Карпош 4. Повредени лица нема, причинета е материјална штета. Командантот на Територијалната противпожарна единица на Град Скопје, Звонко Томески за МИА информира дека пожарот е изгаснат и дека на терен биле испратени три возила и осум пожарникари.