Reagon BDI: Taravari bënë loja pa sens


“Loja pa sens politik e Arben Taravarit sot eskaloi në tragji – komedi. Duke mos pasur se çka t’i japë politikës dhe pa pasur vizion për të udhëhequr me komunën e Gostivarit, Taravari ka zgjedhur “viktimizimin” për të mbijetuar politikisht dhe për të tërhequr vëmendjen e opinionit publik”, thuhet në reagimin e BDI-dega e Gostivarit lidhur me shkrimin e Arben Taravarit në Fejsbuk se ai dhe familja e tij kanë kanosur me jetë.

“Të quash kërcënim bisedën telefonike mes Shefit të kabinetit të Arben Taravarit dhe punonjësit të Njësitit të Zjarrfikësve, i cili ka kërkuar përgjigje se përse i është reduktuar rroga për 50 për qind nuk është gjë tjetër përpos pretekst për të manipuluar me opinionin publik”, citohet në njoftim.

Dega e Bashkimit Demokratik për Integrim në Gostivar, është kundër çdo lloj kërcënimi eventual ndaj personaliteteve publike.

“Sigurojmë opinionin publik që kjo parti do të dalë në mbrojtje të çdo vlere, lirisë, barazisë dhe demokracisë, nëse do të kërcënoheshin nga dikush. BDI, po ashtu do të denoncojë edhe padrejtësitë që ndonjë Kryetar komune mund tua bëjnë punonjësve të tij”, thuhet në kumtesën e BDI – Dega Gostivar.