Pas thyerjes së faqeve të internetit, BESA-s iu thyhen edhe dyert e selisë!

Nga partia Lëvizja BESA njoftuan se pas thyerjes së faqeve zyrtare të kësaj partie dhe liderit të saj, Bilall Kasami, disa persona të panjohur kanë thyer edhe dyert e selisë së partisë në Shkup, njofton Portalb.mk.

“Pas njoftimit të thyerrjes së faqes zyrtare të Kryetarit Bilall Kasami dhe faqen zyrtare të Levizjes BESA, sot persona të pautorizuar kanë thyer dyert e zyrës së Levizjes BESA në Shkup. Për këtë incident janë të njoftuar edhe organet kompetente”, thuhet në kumtesën e Lëvizjes BESA.

Siç njoftuan nga BESA, detajet për rastin do të kumtohen pas mbledhjes së këshillit të përgjithshëm që do të mbahet sot në Tetovë në ora 16:00.