Osman Kadriu dhe Darko Kostadinovski zgjedhen për gjykatës kushtetues


Deputetët e Kuvendit të Maqedonisë sot votuan Darko Kostadinovskin dhe Osman Kadriun për gjykatës kushtetues.

Kostadinovski dhe Kadriu vijnë në vend të gjykatësve Natasha Gaber Damjanovska dhe Gzime Starova, të cilëve mandati ju skadoi në tetor të vitit të kaluar. Ata u zgjodhën gjykatës në Gjykatën Kushtetuese me propozim të presidentit Branko Crvenkovski në vitin 2008, përcjell Telegrafi Maqedoni.

Darko Kostadinovski është doktor i shkencave juridike në Universitetin “Shën Kirili dhe Metodi”, në fushën e të drejtës ndërkombëtare. Osman Kadriu është jurist dhe si propozim për gjykatës kushtetues vjen nga akademia, si dhe profesor në Fakultetin e Shkencave Juridike në FON.