Moti sot në Maqedoni

Sot po mban mot i ndryshueshëm dhe me vranësira. Në pjesët perëndimore parashikohet të ketë kushte për reshje të shkurtëra të shiut. Temperatura maksimale mund të arrijë prej 9 deri 24 gradë celsius. Në Shkup do të mbajë mot i ngjashëm, me temperaturë prej 14 deri 23 gradë.

Nën ndikimin e rrymimit jugor të ajrit pason periudha e motit të ngrohtë me erë mesatare, ndërsa kohë pas kohe do të fryjë erë e përforcuar nga drejtimi juglindor, posaçërisht nga mesi i javës.

Shpejtësia e erës nga drejtimi jugor do të përforcohet dhe pritet të arrijë deri 60 kilometra në orë. Temperatura e ajrit do të jetë mbi mesataren për këtë periudhë të vitit. Nga e shtuna, ndërkaq, pritet rrymimi i ajrit të jetë nga drejtimi verior dhe temperaturat do të jenë në rënie./Gazeta e Pavarur