„Сонот на играчките“ – симфониски концерт за деца

„Сонот на играчките“ – симфониски концерт за деца
„Сонот на играчките“ е насловен симфонискиот концерт за деца кој Македонската филхармонија ќе го изведе идната сабота (9 март) и ќе го водат двајца млади македонски диригенти – Виктор и Елена Митревски, кои се активни на европските музички сцени.

На концертот ќе има и аниматор, а ќе бидат изведени дела од Дебиси, Григ, Понкиели, Моцарт, Бизе, Елгар.

„Сонот на играчките“ е музичка приказна за две деца, брат и сестра, кои сонуваат да станат славни диригенти, а во остварување на сонот им помага волшебник. Во улогите на двете деца се, всушност, диригентите Виктор и Елена.

- Во нарацијата концертот содржи многу хумор, како и едукативни елементи кои ќе им помогнат на децата преку смеа да се запознаат со класичната музика, инструментите, како и улогата на диригентот, информира Филхармонијата.

Споделување со вашите пријатели: