Снежна бура направи хаос на Хаваите

Снежна бура направи хаос на Хаваите
Снежна бура која ги погоди Хаваите направи хаос, затоа што голем број домаќинства остави без струја, кршеше гранки, поплави патишта, но донесе и снег.

Снегот не е невообичаен во планинските делови на тој островски архипелаг, но надлежните наведуваат дека снежниот покривач е на висина од 1.900 метри, во државниот парк на Мауи, може да ја претставува најниската точка на која некогаш е забележан снег на Хаваите, пренесе АП.

Националната метеоролошка служба вели дека ударите на ветрот во некои подрачја достигнале брзина од 110 км на час и предупредува на поплава.

На неколку острови дојде до прекин на напојувањето со електрична енергија и оштетени се покриви.

Јавено е дека еден човек е повреден кога на неговото возило паднала бандера, а пријавени се и други помали повреди на други луѓе.

Споделување со вашите пријатели: