МЗ: Уште четири лица со морбили, досега 111 заболени

МЗ: Уште четири лица со морбили, досега 111 заболени
Во последните 24 часа се регистрирани четири лица заболени со мали сипаници, од кои две се хоспитализирани, а две лица се прегледани амбулантски и пуштени на домашно лекување, информираат за МИА од Министерството за здравство.

Меѓу хоспитализираните, како што се посочува, е 17-месечно бебе од скопското село Студеничани, кое не било вакцинирано, и 35-годишна наставничка од градинка „Весели цветови“ од Кисела Вода.

Инаку, на Клиниката за инфективни болести во моментот се хоспитализирани 26 пациенти со морбили, а од почетокот на епидемијата се регистрирани вкупно 111 случаи со ова заболување. Во пунктовите за вакцинација денеска до 13 часот вкупно се вакцинирани 4.530 деца, наведуваат од Министерството за здравство.

Споделување со вашите пријатели: