Новата Мишел Обама: Младешки изглед за промоција на мемоарите

Новата Мишел Обама: Младешки изглед за промоција на мемоарите
САД- Со фантастична фигура и младешки изглед на 54 години, експрвата дама на САД Мишел Обама ја освојува јавноста на промоциите и гостувањата на ТВ за новата книга мемоари, со наслов „Becoming“ . Уште првиот ден откако е пуштена во продажба е продадена во 750 000 примероци, што е еден од годинешните книжевни рекорди во САД.

Оваа бројка ја вклучува и претпродажбата на мемоарите во САД и во Канада. Издавачот одлучи да го зголеми тиражот од 1,8 на 2,6 милиони примероци.

Книгата на Обама е поделена во три дела „Becoming Me“, „Becoming Us“ и „Becoming More“, а во неа пишува за своето детство, студентските денови, расизмот, бракот со поранешниот претседател на САД, Барак Обама, за нивните ќерки и искуството во политиката.

Првата дама која осум години во мандатот на сопругот Барак Обама носеше елегантни и сериозни креации, сега, како адвокат и подалеку од Вашингтон избира модни комбинации што би ги носеле сите жени. Брендовите се познати и полупознати, исклучиво американски- како Акрис, Џонатан Симкаи, Карен Волкер...

Споделување со вашите пријатели: