Европскиот суд за човекови права ја одби жалбата на Брејвик

Европскиот суд за човекови права ја одби жалбата на Брејвик
Европскиот суд за човекови права ја отфрли како неоснована жалбата на Норвежанецот, Андрес Беринг Брејвик, кој е незадоволен од нехуманите затворски услови.

- Судот во Стразбур утврди дека во неговиот случај не е откриена каква било повреда на Конвенцијата и ја отфрли тужбата како неприфатлива, бидејќи очигледно е неоснована, се посочува во соопштението на Судот.

Брејвик во 2011 година со огнено оружје и автомобил бомба уби 77 луѓе на островот Утоја и во центарот на Осло, поради што е осуден на 21 година затвор, што е максимална затворска казна во Норвешка.

Претходно, норвешкиот Врховен суд ја одби жалбата на Брејвик, кој е незадоволен од целосната изолација во затворот, со образложение дека десничарскиот екстремист не се покајал и оти може да ги нападне другите затвореници. На Брејвик му е дозволено да контактира само со адвокатите и со службените лица во затворот, како и со чуварите и здравствените работници.

Споделување со вашите пријатели: