Më 26 janar nis gjykimi i të akuzuarve që sulmuan Ziadin Selën


Me 26 janar fillon gjykimi për të akuzuarit të cilwt sulmuan Ziadin Selën në Kuvendin e Republikës së Maqedonisë me 27-prill 2017 bën të ditur “Makfaks”.

Të akuzuarit janë: Oliver Oshavkovski, Sasho Senkov, Nikollçe Dimitrievski, Aleksaner Janevski – Toshta, Andrej Micov, Nikolla Vojminovski, Kosta Delov, Stojan Pavllevski –Korba, Kire Gjorgievski dhe babai i tij.

Në maj të vitit 2017 për sulmin ndaj Selës së pari u arrestuan Kire Gjorgievski dhe babai i tij për të cilët Prokuroria konfirmoi se në sallën 3, ku është mbajtur konferenca për shtyp të dy së bashku fizikisht e kanë sulmuar dhe e kanë tërhequr zvarrë Ziadin Selën.

Deputeti, Ziadin Sela pas sulmit mori lëndime të rënda dhe u shtrua në spital. Një pjesë të të dyshuarve të atëhershëm Ministria e Punëve të Brendshme (MPB) i kërkonte përmes fotografive të publikuara. Gjykata për herë të tretë e ka vazhduar paraburgimin. Për këtë lëndë përgjegjëse për gjykim është gjykatësja Sllavica Andreevska.