Kush do të bëhet guvernator, Zaev shkon tek Ivanov

Presidenti Gjorgje Ivanov dhe kryeministri Zoran Zaev sot duhet të zhvillojnë raundin e dytë të takimit për të harmonizuar qëndrimet rreth zgjedhjes së guvernatorit të Bankës Popullore të Maqedonisë, informon INA.

Zgjedhja e tij duhet të bëhet deri në fund të muajit, kanë konfirmuar nga kabineti i kryeministrit dhe se takimi është me nismën e këtij të fundit. LSDM dhe BDI kanë theksuar se nuk përkrahin propozimin e Ivanovit për një mandat të ri për guvernatorin aktual Dimitar Bogov, derisa BDI ka propozuar Fatmir Besimin, ish-ministri i qeverive të kaluara, i cili aktualisht është këshilltar i kryeministrit Zaev. Guvernatori aktual Bogov është në këtë detyrë nga viti 2011 me propozim të VMRO-DPMNE.