Kreu opozitar grek: Republika e Maqedonisë së Ilindenit është mishërim i irredentizmit

Kreu i Partisë opozitare greke “Demokracia e Re”, Kirijakos Micotakis ka hedhur poshtë propozimin Republika e Maqedonisë së Ilindenit, raporton MIA.

“Personalisht jam irrituar. Ka një diskutim për emrin e Shkupit si Republika e Maqedonisë së Ilindenit . Le t’i sqarojmë disa çështje për ata që nuk duket se e njohin mirë historinë tonë. Kryengritja Ilinden dhe emri i Ilindenit janë identifikuar me irredentizmin maqedonas. Ai është një emër që është identifikuar me kryengritjen nacionaliste, e cila më pas, si parullën qendrore kishte Maqedoninë për maqedonasit dhe formimin e një Maqedonie të Madhe me kryeqytetin e saj në Selanik. Me fjalë të tjera, me të njëjtin emër i cili u diskutua dhe ndoshta ende për të flet Cipras, është mishërim i irredentizmit”, tha Micotakis.

Kryetari i partisë konservatore greke përsëri përmendur qëndrimin e Demokracisë së Re për një emër erga omnes dhe rishikimin kushtetues, si një parakusht për çdo vendim për pranimin e emrit të Maqedonisë.