Ivanov fal të njëjtit të burgosur dy herë


Presidenti Gjorgje Ivanov ka falur 25 të burgosur me rastin e Vitit të Ri. Lista është botuar sot në Gazetën Zyrtare. Në listë janë tre gra të dënuara të cilave iu reduktohet dënimi për gjashtë muaj, transmeton dosie.
Njëra prej tyre këtë vit falet për herë të dytë.

Në listë janë edhe 22 burra, prej të cilëve një të burgosuri nga Shkupi i reduktohet dënimi për 8 muaj.

Listat e personave të falur nga Presidenti janë kritikuar nga publiku për vite me radhë për mënyrën e çuditshme që të njëjtit të burgosur falen dy herë.

Këtë vit, pavarësisht përfundimeve të ekspertëve vendas dhe të huaj se kushtet e burgjeve janë katastrofike dhe të mbipopulluara, Ivanov fal vetëm 25 persona.