Incidenti në Tetovë, i plagosuri në gjendje stabile
Njëri prej të plagosurve i përfshirë në incidentin e mbrëmshëm në Tetovë, personi F.M është në gjendje stabile.
Albert Lleshi, nga Qendra Urgjente në Shkup ka shpjeguar se pacienti është sjellë mbrëmë rreth orës 19.30. Ai kishte lëndime nga armë zjarri në pjesën e aksiles së majtë.
“Pas ekzaminimeve të nevojshme është konstatuar lëndim i enëve të gjakut, të sqetullës së majtë. Plagët janë trajtuar me ndërhyrje kirurgjikale. Pas ndërhyrjes, gjendja e pacientit është stabile”, ka deklaruar Lleshi, njofton Shenja.
Përveç F.M, i lënduar më lehtë në këtë përleshje me armë është edhe S.R, i cili është arrestuar nga policia.