Gruevski: Më mbajnë çdo ditë në gjykatë, që të mos jem i pranishëm në Kuvend
Ish-kryeministri Nikolla Gruevski, pas anulimit të seancës së sotme gjyqësore për lëndët “Tanku”, tha se proceset gjyqësore ndaj tij janë politike dhe nuk kanë të bëjnë me drejtësinë.
Ai thotë se edhe javën e kaluar, edhe këtë javë ai çdo ditë pune është në gjykim me qëllim që sipas tij, të mos jetë i pranishëm në punën e Kuvendit, përcjell Telegrafi Maqedoni.
“Na mbajnë çdo ditë në gjykata, që të mos jemi të pranishëm në Parlament”, tha Gruevski.
Ai shtoi se gjykata ka qasje të ndryshme për lëndët “TNT” dhe “Tanku” për ndryshimin e trupit gjykues. Ai gjithashtu u ankua se nuk i lejohet e drejta që të dorëzojë ankesë./Telegrafi/