Grubi – Flenkeshtajn: Evropa dhe vendet anëtare të na mbështesin drejt proceseve euroatlantike

Deputeti Artan Grubi, Kryetar i Komisionit për Çeshtje Evropiane të Kuvendit të Republikës së Maqedonisë, ka takuar në Bruksel EuroDeputetin gjerman, z. Knut Flenkeshtajn. Grubi dhe Flenkeshtajn diskutuan për situatën në Maqedoni dhe perspektivën evropiane të vendit dhe rajonit.

Deputeti Grubi njoftoi EuroDeputetin Flenkeshtajn rreth realizimit të obligimeve vendore, siç janë ligjet për dëshmitar të mbrojtur, verifikim të fakteve, këshillin gjyqësor, zgjedhjen e kryeprokurorit, etj.

Mbështetja e eurodeputetëve është shumë e nevojshme, jo vetëm në institucionet evropiane, por edhe në vendet e tyre amë, anëtare të BE dhe pikërisht këtë Grubi e kërkoi nga z. Flenkeshtajn.

Grubi ftoi bashkëbiseduesin që të viziton Shkupin në muajin Shkurt për konferencën e komisioneve evropiane nga parlamentet e vendeve të rajonit.