Финансиски директор се фрли од облакодер во Њујорк
Густаво Арнал (52) се приклучи на Bed Bath & Beyond во 2020 година. Тој претходно работеше како финансиски директор за козметичкиот бренд Avon во Лондон и имаше 20-годишен ангажман во Procter & Gamble, според неговиот профил на LinkedIn.
Во петок во 12:30 ч. ЕТ (1630 GMT), полицијата одговорила на повикот на 911 и пронашла мртов 52-годишен маж во близина на зградата, кој се чини дека се здобил со повреди од пад. Полицијата го идентификуваше мажот како Густаво Арнал.
Во соопштението на полицијата не се дадени дополнителни детали за околностите кои довеле до смртта на Арнал, но се додава дека канцеларијата на медицинскиот преглед во Њујорк сега ќе ја утврди причината за смртта.
Bed Bath and Beyond не одговориле веднаш на барањата за коментар.
На 16 август, Арнал продаде 55.013 акции во компанијата, покажаа пресметките на Ројтерс врз основа на поднесоците на SEC.
Минатата недела, Bed Bath & Beyond соопшти дека ќе затвори 150 продавници, ќе укине работни места и ќе ја реновира својата стратегија за тргување во обид да го сврти својот бизнис кој губи пари.
Bed Bath & Beyond прогнозираше поголем од очекуваниот пад од 26% на продажбата во истата продавница за вториот квартал и рече дека ќе го задржи бизнисот buybuy Baby, кој го стави на продажба.
Кулата од 60 ката на улицата Леонард 56 во Трибека го добила своето име по начинот на кој становите се наредени како блокови во играта Џенга. (Ројтерс)