Fetai: Lufta për drejtësi vazhdon

Фото: Б. Грданоски

“Lufta për drejtësi vazhdon” ka thënë shkurt prokurorja Fatime Fetai në hyrje të Gjykatës Penale ku sot duhet të mbahet seanca për lëndën “Monstra” të cilin e ka udhëhequr PSP-ja.

Fetai bashkë me kolegun e tij të PSP-së, tani në PTHP Gavril Bubevski, janë autorizuar nga prokurori publik shtetëror Lubomir Joveski edhe më tej ta përfaqësojnë këtë lëndë.

Gjykatësi Ognen Stavrev seancën e kaluar e ka shtyrë për shkak gjendjes me Prokurorinë Speciale, për të cilën tha se shpreson që për disa ditë do të jetë e qartë dhe se seancën e ardhshme do të dëgjohen bisedat e “bombave”.

Lënda gjendet në procedurë dëshmuese dhe duhet nxjerrën rreth 3.900 biseda të cilat u propozuan si dëshmi shtesë të PSP-së.

Për vrasjen e pesëfishtë tek liqeni i Smillkovës më 12 prill 2012 ku u vranë Kire Triçkovski, Filip Sllavkovski, Cvetanço Ackovski, Aleksandar Naçevski dhe peshkatari Borçe Stefanovski, me burg të përjetshëm u dënuan Alil Demiri, Afrim dhe Agim Ismailoviq, Fejzi dhe Haki Aziri dhe Sami Luta.

Gjykata Supreme në dhjetor vitin e kaluar i hoqi aktvendimet dhe liroi nga paraburgimi të dënuarit Agim Ismailoviq, Haki Aziri, Sami Luta dhe Fejzi Aziri duke iu shqiptuar masë sigurie. Pas heqjes së aktvendimit, rastin “Monstra” e mori në dorë PSP-ja dhe lënda u kthye në rigjykim.