Është arrestuar një votues në fshatin Tromegje të Kumanovës

Policia ka arrestuar një person në vendvotimin në fshatin e Kumanovës Tromegje i cili e kishte fotografuar fletën e votimit, informojnë nga Komisioni Komunal Zgjedhor (KKZ) Kumanovë.

Për këtë rast, siç shtojnë prej atje, është në përgatitje procesverbal.

Rastin e konfirmuan edhe nga Ministria e Punëve të Brendshme prej ku informojnë se ngjarja kishte ndodhur në orën 16:49, kur personi me iniciale M.D. në vendvotimin 1080 në fshatin Tromegjë me celular e ka fotografuar fletën e votimit, pas çka ishte arrestuar në SPB Kumanovë.

Sipas të dhënave të Komisionit Shtetëror Zgjedhor, deri në orën 17, jehona në Kumanovë është 30,82 për qind, në Likovë, 13,55 për qind, në Nagoriçan të Vjetër, 33,31 për qind.

Në Kumanovë sot mund të votojnë 86.009 votues në 167 vendvotime, informoi kryetari i KKZ Kumanovë, Zvonimir Nikollovski. Në Likovë, të drejtë vote kanë 25.363 qytetarë të cilët votojnë në 36 vendvotime, kumtoi kryetari i KKZ, Lirim Jashari. Votimi po zhvillohet pa ndërprerje edhe në Nagoriçan të Vjetër, informoi Dragan Jovanovski, kryetar i KKZ. Në këtë komunë të drejtë vote kanë 3.329 qytetarë të cilët votojnë në 38 vendvotime.