Bejli, Zhbogar dhe Eurodeputetët mysafir të Grubit

Të hënën me fillim në orën 10:00, në Sallën e Kristaltë të Kuvendit, kryetari i Komisionit për Çështje Evropiane i Kuvendit të Republikës së Maqedonisë, z. Artan Grubi, do të jetë nikoqir në Konferencën e 13-të të KOSAP-it.

Konferenca paraqet forum parlamentar për bashkëpunim ndërmjet komisioneve për Çështje Evropiane të shteteve të parlamenteve të përfshira në procesin për stabilizim dhe asocim të Evropës Juglindore.

Kryetari i Kuvendit të Republikës së Maqedonisë, z. Talat Xhaferi, do ta hap Konferencën. Në Konferencë, do të marrin pjesë delegacionet e komisioneve për Çështje Evropiane të parlamenteve të Serbisë, Shqipërisë, Malit të Zi, Bosnjë e Hercegovinës, Kosovës dhe Turqisë.

Konferenca do të përqendrohet në dy tema: “Perspektiva evropiane e Ballkanit Perëndimor” dhe “Ballkani Perëndimor i sunduar nga e drejta”.

Në cilësinë e folësve në temën e parë do të jenë: z. Eduard Kukan dhe z. Ivo Vajgël, anëtarë të Parlamentit Evropian, gjithashtu, në këtë temë do të flasin edhe ambasadori i BE-së në Republikën e Maqedonisë, SH.T. Samuel Zhbogar, dhe kryetari i Komisionit për Çështje Evropiane i Parlamentit të Bulgarisë, z. Kristijan Vigenin, në cilësinë e vendit kryesues me Këshillin.

Në temën “Ballkani Perëndimor i sunduar nga e drejta” do të flasin: ambasadori i SHBA-së në Maqedoni, SH.T. Xhes Bejli, ministri i Punëve të Jashtme i Republikës së Maqedonisë, z. Nikolla Dimitrov, anëtari i Parlamentit Evropian, z. Knut Flekenshtajn, dhe ministri i Drejtësisë, z. Bilen Saliji.

Shqyrtime përfundimtare në Konferencë do të jap z. Zoran Neçev nga Instituti i Demokracisë „Societas civilis” (IDSCS).

Konferenca do të përfundojë në orën 14:00 me miratimin e Deklaratës së Përbashkët nga ana e delegacioneve.

Ju ftojmë ta ndiqni këtë ngjarje jashtëzakonisht të rëndësishme dhe të madhe.