Ердоган пристигнува во историска посета на Грција

Ердоган пристигнува во историска посета на Грција
Претседателот на Турција, Реџеп Таип Ердоган, денес ја започнува историската посета на Грција, со цел да се забрза затоплувањето на односите меѓу двете соседни земји, кои се заладени поради длабоки несогласувања меѓу двете земји.

За време на дводневната посета, која е прва на турски шеф на државата во Грција од 1952 година, Ердоган ќе биде примен во Атина од грчкиот претседател Прокопис Павлопулос и од премиерот Алексис Ципрас. Тој потоа ќе го посети турското малцинство во Тракија.

Оваа посета е важна за ЕУ ​​и ќе биде внимателно следена од страна на европските лидери кои се потпираат на соработката на Анкара за да го попречат миграцискиот проток кон егејските острови.

Турција и Грција се приклучија истовремено во НАТО во 1952 година и се важни учесници во политиките на регионот.

„Се надеваме дека посетата ќе овозможи да се развијат и продлабочат односите“, рече портпаролот на Ердоган, Ибрахим Калин.

По неколкудецениско несогласување, двете земји започнаа затоплување на односите. Иницијативата дојде од Атина, која ѝ помогна на Турција по катастрофалниот земјотрес. Ердоган во два наврати ја посети Грција во својство на премиер - во 2004 и во 2010 година. Оваа трета посета би имала посебна симболична вредност бидејќи ниту еден турски шеф на државата не ја посетил Грција цели 65 години, по посетата на тогашниот претседател Џелал Бајар.

Споделување со вашите пријатели: